ԱՐԵՎԱՀԵՐ ԱՂՋՆԱԿ

05/05/2014


ԱՐԵՎԱՀԵՐ ԱՂՋՆԱԿ

Արեւահեր աղջնակ
ելած միջից խեցու
օդով գալիս հաճախ
ամպերին ես հեծնում…

ոտքերը քո փետուր
ժպիտը քո եթեր
մարմինը քո դե տուր
մերթ գալարվիր, մերթ՝ ել…

քո վարսերով անհաս
արեւ ես դու։ Սա մեկ,
քանի՞ տարի դու կաս՝
հազիվ թե մի՝ քսանմեկ…

Արեւածին աղջնակ
ելած միջից խեցու…
կենդանության  հանճար
մեղեդիով լեցուն…

համբույրը տուր՝ կզգամ
օդում, ջրում, երգում…
…քանի՞ տարի ես կամ
հազիվ էլ քսաներկու…